Fengye College Center
خانه / تورک هفته سی / تورکجه دونیانین هر یئرینده
تورکجه

تورکجه دونیانین هر یئرینده

Yunus Emre Enstitüsü
Yunus Emre Enstitüsü

«یونوس امره» انستیتوسو طرفیندن دوزنلنن »تورکجه یئترلیک تطبیقی امتحانی» 13 ژانویه 2018 تاریخینده گئچیریلدی. تورکجه نی یابانجی دیل اولاراق اؤیرنن و یئترلیکلرینی تثبیت ائتمک ایسته ین لر ایچین گئچیریلن امتحان بو ایل 35 اؤلکه، 41 نوقطه ده بیر زاماندا آلیندی.
قولاق وئرمه، اوخوما، یازما و دانیشما بؤلوملریندن عبارت اولان امتحان ایکی اوتورومدا، بیرینجی ائشیتمه، اوخوما و یازما، و ایکینجی اوتورومدا ا دانیشما باجاریقلاری اؤلچولندی.
جمعه گونو 26 ژانویه نتیجه لر اعلام اولوب امتیازلارا گؤره کاندیدالا را B2- C1و C2 تورکجه یئترلیک مدرکی وئریلدی.
آوروپا دیل لری اؤیرتیمی اورتاق چرچیوه سینده، «تورکجه یئترلیک مدرکی»نین تعیین اولونان یئترلیک تعریف لری، تورکیه نین خارجی اؤیرنجی قبول ائتمه سیاستی نی آسانلاشدیریب و بو مدرکی آلانلارا، تورکیه یونیوئرسیته لرینده تحصیل آلماق ایچین چوخ امتیازلی و فایدالی اولاجاق. بو مدرکه صاحیب اولانلار تورکیه ده هرهانسی بیر یونیوئرسیته ده ائییتیم آلما حاققی قازاندیقلاریندا تورکجه حاضیرلیق امتحانی اوخوماقدان معاف اولاجاقلار.
تورکیه ده یا دا اؤز اؤلکه لرینده بین الخالق فعالیت گؤسترن شیرکت لرده چالیشماق ایسته ین لره، تورکجه ترجومنی عنوانیندا ایشه باشلاماغا و خاریجی اؤلکه لرده تورکجه اؤیرتمنی اولماق سئون لره، ایش مراجعتلرین‌ده، بو مدرک چوخ بؤیوک امتیاز گتیره جکدیر.
بیر اؤنجه کی ایله گؤره یوزده 60 لیق آرتیش-لا توجه قازانان « TYS – Türkce yeterlik sınavı»، (تورکجه مهارت امتحانی) دووره لی اولاراق ایلده 3 دفعه گئچیریلیر. بو امتحانین بیر سونرا کی تقاضا زامانی 5 مارس 2018 تاریخینده و امتحان 19 مارس و 20 آوریل 2018 آراسیندا آلیناجاقدیر. ایل ایچینده کی سون امتحان دا 28 ژوئیه 2018 ده گئچیریله جکدیر.
امتحان،2013-جو ایلد‌ن بری ایلده اوچ دفعه گئچیریلیر. هر گئچن ایل ماراغین داها دا آرتدیغینا گؤره بو گونه قدر 5620 ماراقلی مراجعت ائتدی. بو تعداد مراجعه ائدنلرین آراسیندان 3661 نامزد اوغورلو اولوب تورکجه یئترلیک سندی آلماغا حاق قازاندی.
آیرینتیلی بیلگیلری بو آدرس دن “tys.yee.org.tr” اله گتیره بیلیرسینیز.
اتیکتلر: سیناو، تورکجه، یونوس امره انستیتوسو

(Yunus Emre Enstitüsü) یونوس امره انستیتوسو

(Yunus Emre Enstitüsü) یونوس امره انستیتوسو

یونوس امره وقفینه باغلی اولاراق قورولان یونوس امره انستیتوسو وقف قورولوش قانونوندا اعلام اولونان هدف لرینی ائییتیم و اؤیرتیم فعالیت لری ایله علمی آراشدیرمالاری و برنامه لری ایجرا ائتمکده دیر. انستیتو قورولوش هدف لری دوغرولتوسوندا، تورک فرهنگینین، تاریخینین، دیلینین و ادبیاتینین داها یاخشی تانیتیلماسی و اؤیرتیلمه سی آماجیلا آراشدیرمالار ائدیب. فرقلی قوروملارلا ایش بیرلیگی ائده رک بیلیمسل چالیشمالاری کومک له مک و اورتایا چیخان نتیجه لری مختلف یایین لار واسطه سیله جامعه یه یئتیرمک ده دیر.
تورک دیلی، تاریخی، فرهنگی و موسیقی سی ساحه لرینده یئتتک لی آکادئمیسین و آراشدیرماچی لارین یئتیشمه سینه مشارکت ائتمک، مدرک برنامه لریله ائییتیم- اؤیرتیم برنامه لرینی دوغروتماق یونوس امره انستیتوسونون هدف لری آراسیندادیر.
انستیتو، تورکیه دن ائشیکده موختلیف اؤلکه لرده آچدیغی یونوس امره انستیتولاری واسطه سیله تورکیه نین تورک دیلی، فرهنگی، هنری، و تاریخینین تانیتیلماسی ایچین چالیشمالار ائتمکده دیر. بو مرکزلرده حیاتا گئچیریلن بیلیمسل پروژه لر، فرهنگی برنامه لر و کیلاس لار یولویلا تورکیه ایله باشقا اؤلکه لر آراسیندا دوستلوغون تثبیتینه و فرهنگ لرآراسینداکی موناسبت لرین آرتیریلماسینا کومک ائدیر.
یونوس امره انستیتولارئندا سوردورن تورکجه کیلاس لاری، یابانجی دیل اولاراق، تورکجه اؤیرنمک ایسته ین لره اؤیرنیم ایمکانی وئرمکده و دوزنلنن فرهنگی فعالیت لریله علاقه دار، خاریجی اؤلکه لرده یاشایان تورک وطنداشلارینین تورکیه ایله فرهنگی باغلارینین دوام ائتمه سینه چالیشیماقدادیر.

یونوس امره کیمدیر؟

«یونوس امره» تصوف شعرینین ان مهم تمثیلچی سیدیر. حیاتی حاقّیندا چوخ آز شئی بیلینن یونوس امره نین، اون اوچونجو یوزایلین ایکینجی ربع ایلا اون دوردونجو یوز ایلین ایلک ربعوندا یاشادیغی دئییلمیشدیر. بعضی آراشدیرماچیلار «ساری کؤی»، بعضی لری ده «کارامانلی» اولدوغونو دوشونور. «حاجی بکتاش ولی»نین بیر اثرینه دایاناراق ساری کؤ یده یاشادیغی احتیمالی داها گوجلو گؤرونور. اؤلومو 1320 ایلینده اولاراق قبول ائدیلن امره نین هشتاد ایکی یاشیندا اؤلدوگو سؤیله نیر. بونا گؤره ده دوغوم تاریخی 1238 ایلینه اویغون گلیر. کؤنول لر سولطانی، سئوگی عاشیقی یونوس امره 15-ینجی یوز ایلده یاشامیش بیر تورکمن درویش، آنادولو دا بیرلیگین پوُزولدوغو، مغول اوردولارینین یاخیب ییخدیغی، انسانلار اومودسوز قالمیش بیر دؤنم ده شعرلری ایله بیر سئوگی علاقه سی یاراتمیش و اینسانلارا معنوی حضور و تحمل کیمی یونیورسال ده یرلری آنلاتمیشدیر.
اون بئش و اون آلتی یوز ایللرده تورکیه نین بؤیوک سیاسال چالخانتیلار گئچیردیگی دؤنملردیر. بو دؤنم ده «احمد یسوی» ایله باشلانان تورک تصوف حرکتی، عینی دؤنم ده و عین بؤلگه ده یاشایان مولانا و یونوس امره ایله اوُج نوقطه سینه یئتیشمیشدیر.یونوس امره نین اثرلری، یاشامی حاقیندا بعضی بیلگی لر وئریر. بوتون آنادولونو گزدیگی، مولانا-نی گؤردوگو، اونون اثرلرینده یازدیغی جومله لردن آنلاشیلیر.

یونوس امره نین یاشام فلسفه سی
یونوس امره نین یاشام فلسفه سی -تورکجه

یونوس امره اینسانلاری دوغرو یولا چاغیران بیر درویش و حقیقته دایانان بیر عاریف دیر. بو حقیقت، وارلیغین بیرلیگی (وجودون وحدتی) و هرشئیین تانری دان گلمه سیدیر.
دونیادا واراولان هربیر شئی، بو اینسان تصویری یوخکن ده واردی.
اته سوموگه بوروندوم / یونوس دئییه گؤروندوم
بیت لرینده آنلاتماق ایسته دیگی، بو الهی حقیقتدیر. آللاها قوللوق ائتمه نین اصیل آماجی، اؤزونو اونا بیندیرمک اولوب، بو دا کونوللری قیرماماقلا، و خوش رفتار ائتمک له مومکون اولابیلیر. اینسانا گؤستریلن سایقی و سئوگی، بیر باخیما تانری یا گؤستریلمیش دئمکدیر.
نظر ائیله ایتیری / بازار ائیله گؤتؤرؤ
یارادیلانی خوش گؤر / یاراداندان اؤتؤرؤ
بیت لری بو موضوعداکی دوشونجه لرینی نه ده گؤزل سؤیله میشدیر. کونول قیرمامالی، هئچ بیر جانلی-نی اینجیتمه مه لی، کؤنول آلمالی، بؤیوکلوک گؤسترمه مه لی، گئچیملی اولمالی، معلوماتلی اولمالی، «یونوس امره» نین اوستونده دوردوغو موضوعلاردیر. هر کس عیبینی و پیسلیگینی گؤره بیلمه لی و بونلاری دوزلتمک ایچین چالیشمالیدیر.
بیر کز کونول ییخدین ایسه / بو قیلدیغین ناماز دئگیل
یئتمیش ایکی میللت داهی / الین اوزون یوماز دئگیل
یونوس دوریشلیک فلسفه سینی اثبات ائتمیشدیر. درویشلیک بللی قانونلاری اولمایان، انسانلیق دیسیپلین لرینه صاحب اولان بیر مدرسه دیر. درویش اولا بیلمک ایچین دویغولاردان، پیس دوشونجه لردن آرینماق، اؤلوم قورخوسونو مغلوب ائدیب، تانری و اینسانلیق یولوندا چابا گؤسترمک لازیمدیر.
الده تسبیح، دیلده دوعا، هر شئیدن الینی آیاغینی چکمیش درویشلیک، سونرالاری اورتایا چیخان بیر انحراف دیر. واقعیتده یونوس، بونلار کیمی «نرم افزارلارا»! قارشی چیخمیش و شعرلرینده بونلاری دائما سؤیله میشدیر.
درویشلیک دئدیکلری / خرقه ایله تاج دئگیل
کونلونو درویش ائدن / خرقه یه محتاج دئگیل
***
چشمه لردن بارداغین / دولدورمادان کُر ایسن
مین ایل داهی بکله سن / کندی* دولاسی دئگیل
* کندی = (اؤزو)
بو بیتلرین دئدیگینه گؤره، یونوس امره نین نظرینده، توکلچولوغون و تعصبون حقیقی دین دوشونجه لرینده یئری یوخدور.

بو فیلوزوفدان بیر غزل

حق بیر کونول وئردی منه، ها دمادم حایران اولور
بیر دم گلیر شادی اولور، بیر دم گلیر گریان اولور
بیردم گلیر سؤیله یه مز، بیر سؤزو شرح ائیله یه مز
بیر دم دیلیندن دور تؤکر، دردلی لره درمان اولور
بیر دم چیخار عرش اوزره، بیر دم اَنر تحت سرا
بیردم سانارسان قطره دیر، بیردم داشار عُمان اولور
بیر دم جهالت ده قالیر، هئچ نَسنییه بیلمز اولور
بیر دم دولار حکمت لره، جالینوس و لقمان اولور
بیر دم گلیر عیسی کیمی، اؤلموش لری دیری قیلار
بیر دم گیرر کیبر ائوینه، فیرعون ایله همان اولور
بیر دم دؤنر جبرائیله، رحمت ساچار هر محفیله
بیر دم گلیر گومراه اولور، میسکین «یونوس» حایران اولور
یونوس امره انستیتوسونون اینترنت آدرسی:
www.yee.org.tr

دوغما ديليميز
اسماعیل جمیلی
بیز واریق وارسا وطن وارایسه دوغما دیلیمیز
اؤیره نیب بیلمه لیدیر اؤز دیلینی ائللریمیز
آنا تک جاندان عزیزدیر آنا تورپاق آنا دیل
حورمتین ساخلا یاشارکن آنالار قدرینی بیل
وطنین کیملیگیدیر وارلیغینین داش تملی
کیملیگین بایراغیدیر هربالانین دوغما دیلی
آنا دیلدیر بزه ین دویغولارین اویلاغینی
سوسله ین آرزیلاری سئوگی سئوینجین باغینی
بولبول اؤز دوغما دیلیله گوله سؤیلر سؤزونو
هر گول اؤز رایحه سیله تانیدار اؤز اؤزونو
آنا دیلدیر داشییان لایلالارین جان دادینی
آنا دیلدیر یاشادان ائولادینین اؤز آدینی
آنا دیلدیر ائلینین تاریخی آیدین تانیغی
یوردونون اؤلکه سینین آیناسی سؤنمز چراغی
آنا دیلده آنانین سئوگیسی عطری دادی وار
آنا دیلده وطنین شانلی شرفلی آدی وار

نویسنده: لیلی خاقانی

مطلب پیشنهادی:

طنز و سرگرمی

طنز و حکایت هفته 548

شمایی که به سیب‌زمینی می‌گویید سیب‌زَمَنی.... در محلتان زَمَن متری چند!؟

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

رفتن به نوارابزار