23اکتبر2018

08 آذر 1396 نوشته شده توسط 

جامعه ده اؤز آنا دیلیمی دانیشماق منه چوخ یاخشی بیر حیسّ وئریر

آیدین شافاق 236
بو مصاحبه ، ساوالان قوروپونون عضوو و استانبول تئکنولوژی یونیوئرسیته سینین اؤیرتمنی «دوکتور محمدرضا نوفر»ایله، 05/11/2017 تاریخینده استانبول دا گئچیریلیبدیر.
مصاحبه ائدن: لیلی خاقانی
PN1ایلک سورو اولالی یونیورسیته اؤیرتمنی اولمایا نه زماندان و هانکی سبب دن قرارلی اولدونوز؟
منیم آنام اؤیرتمن اولدوغو اوچون، اوشاقکن سئوردیم آنامین ورقه لرینی اوخویام و اونا کومک ائده م. آیریجا اؤز دوسلاریما یادا عائله ایچینده اوجرتلی یادا اوجرتسیز خصوصی درس وئرردیم. بو وضعیت متوسطه سونونا قدر سوردو. لیسانس دؤنمینده ده، آموزشگاهلاردا درس وئرمه یه دوام ائتدیم. یوکسک لیسانسیمی کانادادا باشلادیقدان سونرا هر زامان یئنی شئیلر اؤیرنه بیله جه ییمدن دوکتورایا دوام ائدیب آرتیق اؤیرتمنلیکی و آراشدیرماجی اولماغی دوشونوردوم.
اوزامان پست دکتری دان سونرا اؤیرتیم عوضوو اولماق ایچین هانسی یوللاردان گئچدینیز؟ جزئیاتینی آنلاتا بیلیرمیسینیز لوطفا؟
مونترال دا پست دکتری نی گئچیررکن، یونیوئرسیته لره باش وورماغی باشلادیم. بونا گؤره طبیعی کیCV می گوجلندیرمک ایچین چوخ امکلر وئردیم. آیریجا گله جکده ائییتیم و آراشدیرما موضوعلاریندا نه ائده جه ییمی ده یاخشی بیلیردیم. بو باش وورولار ایچین لازیم دوسیه لری حاضئرلادیم و جدییت له academickeys.com سیته سیندن آمئریکا و کانادادا اولان تانینمیش یونیوئرسیته لرین فاکولته آچیق پست لارینی تعقیب ائتدیم. بیلمک و اؤیرنمک ایستیینلر ایچین بونو اؤز تجروبه مدن دئمه لییم کی من باش ووردوغوم دؤنملر، هر آچیق پست اوچون، دونیانین فرقلی نوقطه لریندن تقریبا 350-250 آراسیندا تقاضا لار اولوردو. یعنی اورتالاما (میانگین) 300 تقاضا کیمی. ایلک راندیندا 10% متقاضی لر قبول ائدیلرک، تقریبا 30 نفرایله تلفن یادا اسکایپ مصاحبه سی اولونوردو. بو مصاحبه لردن ده حدودا 10% یعنی 3-2 نفر ایکینجی مصاحبه راندیندا، آن کمپوس on campus موصاحبه سی ایچین یونیوئرسیته لره دعوت ائدیلیردیرلر. من بو آرادا 10 مصاحبه تلفونو آلماغی باشاردیم و بونلارین ایچینده، 4 یونیوئرسیته دن (2 سی کانادا و 2 سی آمئریکا دان) آن کمپوس مصاحبه سینه دعوت ائدیلدیم. نتیجه اولاراق 2 یونیوئرسیته دن، بیریسی آمئریکادا و بیریسی کانادادا رسمی اؤیرتیم عضوو اولماق ایچین تکلیف آلدیم؛ البته دئمه لییم کی عین زاماندا استانبول تئکنیک یونیوئرسیته سیندنده تکلیف آلمیشدیم و بونلار منیم ایچین چوخ بؤیوک بیر باشاری و افتخار اولدو.
رضا بیک دئدیینیز کیمی آمئریکا، کانادا و تورکیه یونیوئرسیته لریندن تکلیف آلدینیز. او زامان نه جور اولدو (ITU ) استانبول تئکنیک یو. دان اولان تکلیفی قبول ائتدینیز و بو سیزین ایلک و سون سئچیمینیز اولدو؟
بلی عین زاماندا تورکیه ده اولان دونیادا تانینمیش ITU یونیوئرسیته سینی ده دوشونوردوم. بیر ایرانلی تورک اولاراق، تورکیه ده اولان فرهنگ، اورتامیندا گؤرونن یاخینلیق و عین زاماندا مدرن یاشام و شغلوم ایچین داها آچیق غربه یاخین بیر اؤلکه اؤلماغی ایدی. آیریجا ایران-دا یاشایان عائله م و سئودیکلریمه ده داها یاخین و هر ایسته دیییمده ال تاپماغیم بو سئچیمین باشقا بیر طرفی ایدی. بونون اوچون استانبول دان عین تکلیفی آلدیقدان سونرا الیمده 3 هیجانلی فرصت واریدی. قرار وئرمه یه 2 آی چوخ فیکیردن سونرا سونوندا 2 موضوعو دوشوندوم. بیریسی خصوصی حیاتیم و او بیریسی حرفه م. خصوصی حیاتیمدا، فرهنگی منیم فرهنگیم ایله عین اولان تورکیه-ده اؤزومو چوخ یاخشی حیس ائدرک و آیریجا جامعه ده اؤز آنا دیلیمی دانیشماق چوخ اییی حیس ائتدیریردی. بونون یانیندا سئودیکلریمه یاخین اولماقدا باشقا بیر امتیازدیر. حرفه موردینده ده بئله دوشوندوم: ایللر سونرا آرخاما باخدیغیمدا، بونجا ایل حیاتیمدا نه ائتدیم اؤزومدن سوردوغومدا، آلت یاپی سی(زیر بناسی) قوزئی آمئریکا قدر اولمایان بیر اؤلکه ده، داها مؤثر و داها مهم ایشلر گؤره بیلمک، خصوصا ساغلام بیر بینا قورا بیلمک، چوخ رضایت وئرن بیر احساس اولا بیلیر دئیه دوشونوردوم. بونلاری دوشونه رک بو اوچ تکلیفدن استانبولو سئچدیم.
PN2
تورکیه لی بیر قیز ایله ائولنمک باخیمیندان، سیزین آلین یازینیز سیزی بورایا چکدی دئمک اولورمو؟!
اولا بیلیر! دئدییم کیمی قوزئی آمئریکادا کی اولان یونیوئرسیته لرینه باش وورماق ایچین چوخ زحمت چکدیم؛ آمما سونوندا تورکیه دن و استانبول دان باش چیخارتدیم! (گولرک)
آلین یازیسی دی دئیه دوشونسک اگر، سئودییم قیزدا عین زاماندا، آنکارا دا دکتری یا دوام ائده بیله جه یینه راغمن، استانبولا گلمه یه قرار وئرمیش و ITU دا دکتری نی باشلاماسی آلین یازیسی کیمی گؤرونه بیلیر. بیریسی دونیانین او باشیندان، بیریسی ده آنکارا دان قالخیب گلمیشلر و بیر اورتاق نوقطه ده بولوشموشلار، بلکه بو تصادفه آلین یازیسی دئمک اولور اصلینده. حاققیمیزدا خئییرلی سی اولسون دئییرم ساده جه!
ایکی ایله یاخین دی استانبول دا یاشییرسینیز. اؤنجه دن ده اوزون زامان کانادادا یاشامیشسینیز. بیر آذربایجان-لی اولاراق بو ایکی قوربت ده دویغولاریزی نه جور تعریف ائده بیلیرسینیز؟
اوچ اؤلکه ده یاشامیش بیریسی اولاراق، منیم ایچین ایران دوغدوغوم و سئودیکلریمین یاشادیغی یئر و تبریز ده آنا یوردوم اولدوغوندان ایران-ین منده کی یئری آیری دیر. کانادا حیاتیمدا و شغلوم دا منه چوخ بؤیوک شانسلار قازاندیردیغیندان، منیم ایچین آیریجا اؤز وطنیم کیمی اولدو. اونون داوامیندا، تورکیه یه گلمک و بورادا یاشاماق، اؤز آذربایجان تورک فرهنگیمه یاخین و حتی عینی اولماسیندان، اؤز آنا دیلیمی اوخویا بیلمک، یازا بیلمک و هر یئرده اونو دانیشابیلمک سببیندن بورانی دا اولدوقجا اؤز اؤلکم کیمی صاحیبلنمیش حیس ائدیرم.
PN3
دیلارا حانیم چوک اییی کی بو اینترویو دا سیزده وارسینیز. ایکینیزه ده موتلولوقلار دیله رک آذربایجان گلینی اولمایی ناسیل ده یرلندیریرسینیز؟
Öncelikle teşekkür ediyorum. Ben Rıza-yla tanıştığımda onun karakteri ve ruhu benim için öncelikli ve önemliydi. Bu konular içime sindikten sonra, onun Azerbaycan Türkü olması nedeniyle zaten aynı köklerden ve aynı topraklardan gelmişiz. Bu yüzden kendimi gerek dil gerekse kültür bazından hep çok yakın hissettim. Zaten uzun yıllardır çoğu alanda Azeri Türkleri ve biz, kardeş ve dostuzdur. Bunlardan ötürü her zaman kendimi çok yakın hissetmiş ve bu evlilikten mutluluk duymuşumdur..
آذربایجان تورکجه سینده:
اؤنجه لیکله تشککور ائدیرم. من رضا ایله تانیشدیغیمدا اونون کاراکتری و روحو منیم ایچین اؤنجه لیکلی و مهم ایدی. بو موضوعلار ایچیمه اوتوردوقدان سونرا، اونون آذربایجان تورکو اولماسی سببی ایله عینی کؤکلردن و عینی تورپاکلاردان گلمیشیک. بو اوزدن اؤزومو دیل و فرهنگ بابتیندن چوخ یاخین حیسّ ائتدیم. اساسا اوزون ایللردیر چوخ منطقه لرده آذری تورکلری و بیز قارداش و دوستوق؛ بونلاردان اوتورو هر زامان اؤزومو چوخ یاخین حیس ائتمیش و بو ائولیلیکدن موتلولوق دویورام.
سیز ایکینیز بوندان سونرا حیاتینیزی دوام ائتمه یه هارانی دوشونورسونوز؟
رضا: منیم ایچین اؤنملی اولان حیات یولداشیملا برابر موتلو و حضورلو بیر حیات سورمک دیر. بونون ایچین هارادا اولورسا اولسون تورکیه یادا هر هانکی بیر اؤلکه، مهم اولان حضور، ساغلیق و داها باشاریلی اولماقدیر.
- دیلارا: ریضایا قاتیلییوروم، شوآن استانبول دا چوک موتلویوز. اؤنملی اولان بو موتلولوکون سورمه سی. نره ده اولورسا اولسون.
ان اؤنملی سی، رضا بیک لوطفا یازیب یایینلادیغینیز کیتابدان بیلگی وئرمه یی اونوتمایین.
PN4
- یازاری اولدوغوم و Elsevier yayin evi طرفیندن یایینلانان کیتابیمین آدی:
‘’Polylactide Foams: Fundamentals, Manufacturing and Applications’’
دیر. بو کیتاب پُلیمر بیلیم و تئکنولوژی ساحه سینده بیوپُلیمرلر و کؤپوک لمه تئکنولوژیلر ایله آلکالی تَمَللری و اؤره تیملرینی (Temelleri ve Üretimlerini) 8 بؤلوم ده جزئیاتینان آنلاتماقدادیر.
دیلارا خانیم، رضا بیک وقتینیزی بیزه وئرمکدن چوخ تشککور ائدیریک.

«محمدرضا نوفر»ین بیوگرافی سی:
ایران-لی کانادا-لی «محمد رضا نوفر»، 1361گونش ایلینده (1983 میلادی)، فرهنگی بیر عائله ده آنادان اولموش، 18 یاشینا قدر تبریز ده یاشامیش و بیلیم یوردو( دانشگاه) گیریش کنکورونو یوکسک درجه ایله قازاناراق شریف تئکنولوژی بیلیم یوردوندا، متریال سیانس و انجینیرینق (Materials Science and Engineering) بؤلومونه گیرمک ایچین تهرانا داشینمیشدیر. 4 سنه لیسانس دان سونرا بیر سنه ایشله ییب جمعا 5 ایل تهران دا یاشادیقدان سونرا، 2006 ایلینده یوکسک لیسانس ایچین کانادایا کؤچوب کنکوردیا یونیوئرسیته سیندن بورس آلاراق، میکانیک مهندیسلییی بؤلومونده پُلیمر مهندیسلییی ریشته سینده آراشدیرمالارینا باشلاییبدیر. ایکی ایل یوکسک لیسانس و بیر ایل (Canada National Research) قوروموندا چالیشیب، 2009 دا NSERC دکتری بورسونو قازاناراق تورونتو بیلیم یوردونا گیریب 2013 ده اورانی بیتیریب. سونرا مونترال دا پلی تئکنیک و مک گیل بیلیم یوردلاریندا بیر ایل یاریم پست دکتری آراشدیرمالارینا دوام ائدیب. 2015 ایلینده تورکیه یه داشینیب و (ITU) استانبول تئکنیکال یونیوئرسیته سینده آسیستان پروفسور اولاراق ایشه باشلاییب. بو زامانا قدر آراشدیرمالارینین نتیجه سینده اؤزو یازدیغی بیر کیتاب، ایکی کیتاب بؤلومو و بیلیمسل درگی لرده یایینلانمیش 30 علمی مقاله لری وار.

«دیلارا ساچلئگیل»ین بیوگرافی سی:
دیلارا ساچلئگیل (Dilara Saçlıgil) 1990 ایلینده استانبول-دا دونیایا گلدی. 2008 ایلینده مرمره بیلیم یوردونون شیمی بؤلومونو قازاندی و 2010 دا اینگیلتره گئدرک لیسانسینین بیر ایلینی Nottingham Trent University’de باشاریلا تاماملاییب. 2012 ایلینده تحصیلینی بیتیریب و آردیندان آنکارایا گئدرک Hacettepe Üniversitesi شیمی بؤلومو، بیوشیمی آنابیلیم دالیندا یوکسک لیسانس ائییتیمینه باشلاییب و 2014 ایلینده افتخار درجه سیله تحصیلینی بیتیریبدبر. سونراسیندا (ITU)İstanbul Teknik Üniversitesi’nin (Polymer Science & Technology )رشته سینده دکتری سطحینده تحصیله باشلاییب هله ده دوام ائدیری.