17نوامبر2017

17 مرداد 1396 نوشته شده توسط 

باشقا بیر باشلانیش

تورک «هفته»سی
سویوغون ان گوجلو زامانی، 2013-جوایلین ژانویه آییندا، «هفته» آلانی قایناماق نوقطه سینه یئتیشدی. بو آنی ایستیلیک آرتیمین سببی، خانیم لیلی خاقانی-نین همتی ایله تورکجه ده تدارک و تنظیم اولان و درگی ده یئرلشن ایکی صایفالی«آیدین شافاق» دان باشقا بیر شئی دئییلدی. ایران توپلومونا خیدمت ایدعاسی اولان درگی نین ایچینده کی تورکجه یازیلارا تئپگی گؤسترمک اؤنجه دن تخمین ائدیلیردی؛ آمما تئپگی لر تارتیشما سینیرلارین آشیب اوندان چوخ ایره لی گئتمیشدی. اوراجان کی بعضی عزیزلریمیز سس سیز صداسیز درگی یه اولان ایشتیراک لارین لغو ائدیب و حمایت لرین کسمیشدیرلر. بیر پاراسی تحریم ائتمه یه چالیشمیشدیرلار. بو آرادا چوخلو سالدیری و سوونما (حمله و دفاع) مکتوب لاری-دا «هفته»نین الینه چاتمیشدی.
بو گون «آیدین شافاق»ین 222 هفته لیگینه یئتیشدییییمیزده، هله ده دونیانین حرکتده اولدوغو و یئرین دایانمادان دولاشیمی گؤرونور. «هفته»همیشه تاکید ائتدییی کیمی، قوم، دیل، جینس، مذهب، سیاسال و ایده لوژیک باغلانتی لاردان باغیمسیز اولارکن، اینسانلارین باریشیق و یولداشلیق یولوندا آددیم آتیر. گرگینلیک سالان سینیرلارین قالدیرماق رویاسی باشیندا اولاراق، بو رویانی گرچکلشدیرمه یه چالیشیر.
بو سایی دان بئله، هفته نین تورکجه صایفالاری آرتاراق، باغیمسیز و موستقیل بیر کیملیکه صاحیب اولوب، «تورک هفته سی» آدیلا دونیایا گؤز آچاجاقدیر.
بو کیچیک تزه ناهالی بسله مک ایچین، سیز تورکجه سئونلرین یاردیمینا احتیاجیمیز وار و بیرلیک آماجیلا سیزین یارادیجی یازیلاریزی سئوینجله قارشیلاییریق.
بو یازینی چئویرمک ایچین عزیز لیلی خاقانی-دن تشککور ائدیریک.