26فوریه2017

25 آذر 1395 نوشته شده توسط 

«ساری کؤک» سرطان ساواشیندان ظفرلی چیخیر

آیدین شافاق 190
P34-N-1
PROF. DR. ERKAN TOPUZ
دوکتور «ارکان توپوز» تورکیه لی سرطان متخصصی نین دئدیینه گؤره، 2020 ایلینده تورکیه ده 20 میلیون نفربلکه داها آرتیق سرطان ناخوشلوغویلا یاخالاناجاقدیر. چونکو سورعتله بیر آرتیش وار! آمئریکا دا هر ایل 550 تن بؤجک(حشره) داواسی توپراغا تؤکولمکده دیر. تورکیه ده بو داهادا بیلینچسیز و اینسان ساغلاملیغینا نه قدر ضررلی اولدوغونا باخمایاراق ایستیفاده اولونور!
اینسانلارین جانینا دوشن بو بؤیوک سرطان بلاسینی دفع ائتمک لازیم دیر. طبیعت ده بیتن بیتکی لردن فایدالانماق سرطان ساواشینا گئتمه یه و اونون قاباغین آلمایا چوخ فایدالی اولا بیلر.
طبیعتین چوخ فایدالی و چوخ ده یرلی بیتکی لریندن بیریسی «ساری کؤک» دور.
ساری کؤک ندیر و اونون فایدالاری نلردیر؟
P34-N-2
هیند زفرانی آدلانان ساری کؤک اؤزلیک له پاکیستان، چین و هیندیستان کیمی اؤلکه لرده یئتیشتیریلمکته دیر و تروپیک اؤلکه لرده اکین بیچین اولونماقدادیر. زنجفیل خانواده سیندن و اونا بنزری بیتکی، کاری پودرونون اصلی اقلامیندان اولان ساری کؤک، باتی دا داها چوخ ادویه اولاراق ایستیفاده اولونماسینا باخمایاراق، آسیادا اوزون زاماندان بئری طبیعی داوا اولاراق ایستیفاده
اولونور. فعال، شفالی و تاثیرلی ماده سی «کورکومین» اولان ساری کؤکون 3 گرمینده 30 الی 90 میلی گرم کورکومین تاپیلا بیلر. بو بیتکی مین ایللردیر هیند و چین طیبینده ایستیفاده اولونور.
P34-N-3
خصوصیله هیند ده آنتیک چاغلاردان بئری یئتیشدیریلمک ده دیر. سون بیر نئچه ایلدیر تحقیق و تأیید اولونان بیر چوخ چالیشما، اؤزللیکله سرطانین قاباغین آلمادا و ناخوشلوغون تداویسینده بو
ادویه نین چوخ فایدالی اولدوغونو اورتایا قویور.
ساری کؤک بیتکی سینین ایستیفاده اولونان قیسمتی پودر حالینه گتیریلمیش کؤکودور.
P34-N-4
آنتی اکسیدان خاصیتی: کورکومینین آنتی اکسیدان خاصیتی، «ای - سی» ویتامینلریندن داها گوجلو اولدوغو گؤرولموشدور. کورکومین سرطانا قارشی ساغلاملیغی قوُرویار و تومور حوجره لرینین چوخالماسینین قاباغین آلار و گئچیریلن آراشدیرمالار دا دَری (جیلد)، بؤیوک باغیرساق و دؤش سرطانی ایچین فایدالی اولابیله جه یی گؤرولموشدور.
دؤش سرطانینا سبب اولان حوجره لری، یوزده/75 بلوکه ائدن ساری کؤک، قارا جییَر متاستازینین یوزده/70 قاباغین آلا بیلر. زیتون یاغی ایله بیرلیکده ایستیفاده اولوناندا، داها چوخ فایدالی اولور.
P34-N5
یئمک بُروسونا(مِری) چوخ فایدا وئریر
کاری ادویه سینین اصلی ماده سی اولان ساری کؤک، یئمک بُروسوندا کی سرطان حوجره لرینی یوخ ائتدییی بیلینیر. ساری کؤک باغیرساقدا پولیپ تاپیلماسینین قاباغین آلیر. بؤیوک باغیرساق، آغ جییر و پروستات سرطانلاریندا دا فایدالی اولدوغو گؤرولور. ساری کؤک استروژنی(قادینلار هورمونو) تقلید ائدن ماده لری بلوکه ائده بیلمه قابلییتینه صاحیب بیر ادویه دیر. استروژن تقلیدچی سی - بو ماده لر- اؤزللیک له دؤش سرطانینین بؤیومه سینده اؤنملی (مهم) رل اوینور. اینسانلار اوزرینده ائدیلن بیر چالیشما، ساری کؤکون استروژنی تقلید ائدن شیمییاساللارین (شیمییائی ماده لرین) سبب اولدوغو سرطانلارین حوجره لرینی یوزده /75 بلوکه ائتدیینی و بؤیومه سینین قاباغین آلماغینی گؤستریر. آیریجا ساری کؤک پاراکواتین نیتروزامین لری و کربن تتراکلورور کیمی دیگر شیمییاساللاری بلوکه ائتمه ده ده چوخ تأثیرلی دیر.
تومورلر کیچیلیر
ساری کؤکون فایدالی تاثیرلری، سیچان لار اوستونده ائدیلن آراشدیرمالاردا دا ایثبات اولدو. سون درجه ضررلی بیر شیمیاسال ماده اولان، دییِتیل نیتروزامین* وئریلن سیچان لاردا، قاراجییر سرطانینین گلیشدییی گؤرسندی. سیچان لار ساری کؤک ایله تداوی ائدیلدییینده سرطانلی حوجره لرده یوزده/38 آزالما گؤرولدو. هیند آراشدیرماجیلار ساری کؤکون حصارلی حوجره لرین دوزلمه سینده تأثیرلی اولدوغونو سؤیله ییررلر. ائدیلن بیر باشقا آراشدیرما ایسه، ساری کؤکون سرطانلی تومورلرده یئنی قان دامارلارینین دوزلینمه سینه مانع اولدوغونو و قاراجییر سرطانیندا، ناخوشلوغون مئتاستاز دوزتمه سینه یوزده/70 قاباغین آلدیغینی اورتایا قویور. قاراجییر سرطانیندا تومورون یوزده/81 کیچیلمه سینی ده سبب اولور. 2011 ایلین سپتامبر آییندا «جانسون سرطان آراشدیرما مرکزی»نده ائدیلن بیر آراشدیرما، ساری کؤک چِئینه تیلن ناخوشلاردا، باش، بویون سرطانینین بؤیومه سینه سبب اولان حوجره سیگنالارینین قاباغین آلدیغینی گؤستریر.
(dietilnitrozamin DEN)
بیر چای قاشیغی یئترلی
ساری کؤکون فایدالارینی بیلن هیندیلر، گونده اورتالاما(بطور متوسط) بیر چای قاشیغی ساری کؤک مصرف ائدیرلر. هیندیلرده باتیلارا(غربی لره) گؤره، آغ جییر سرطانی یوزده /1.8، باغیرساق سرطانی یوزده/1.9، قادینلاردا سینه سرطانی یوزده/ 1.5، و بؤبرَک سرطانی یوزده/1.10 داها آز گؤرولور. هیندیلرده چوخ پیس بسلنمه لرینه راغمن، سرطانین بو قدر آز گؤرولمه سی، تامامن ساری کؤک مصرفینه باغلانیر.
ساری کؤکون آنتی ویروس تأثیری ده وار
آیری طرفدن ائدیلن بیر آراشدیرما، سرطان داوالارینا قارشی دیرَنَن(مقاومت ائدن) بعضی تومورلاردا ساری کؤکون تأثیری اولدوغو گؤرولور. بو ادویه نین زیتون یاغی، قارابیبر، آجی قئرمیزی بیبر ایله بیرلیکده یئمه سی ایسه، بدن ده کی جذبی 100/ یوزه یاخینلاشدیریر. ساری کؤکون آنتی ویرال(ضد ویروسی) خاصیتی ده وار. بو ادویه «اوچوغا» سبب اولان ویروسو* یوخ ائتدییی، بیر چوخ بیلیمسل درگی ده( مجله علمی) یایینلانمیشدیر.
Herpes Simplex
ایمن لیگ سیستیمینی گوجلندیریر
سرطانلی حوجره لری بلوکه ائدن ساری کؤک ادویه سی، اوزون مودتده ده ایمن لیگ سیستیمینی گوجلندیریر. (اسلوُان- کترینق سرطان مرکزی)نده* آراشدیرمالار ائدن بیلیم آداملاری(عالیم لر)، ساری کؤکون سرطان دان قوُرونمادا دا چوخ تأثیری اولدوغونو گؤستردیلر.
Sloan-Kettering Cancer Center
آنتی کورلاری آرتیریر
بو ادویه نین مصرفیندن سونرا آراشدیرماجیلار باغیرساق موخاطینی آراشدیرمادا، (سی دی 4 + تی- هِلپر)* و بی تیپی ایمن لیگ حوجره لرینین سایی سینین داها آرتیق اولدوغونو گؤروبلر. بو اله گلن نتیجه، بدن ده ایمن لیگ سیستیمینین توسعه سینی و گوجلنمه سینی گؤسترن بیر تاپینتی دیر. دیگر طرفدن هیند آراشدیرماجیلار، سیچان لارا ساری کؤک وئریلدیینده، آنتی کورلارین آرتماسینی و اونا باغلی اولان بدنین ایمن لیگ سیستیمینین گوجلندییینی تأیید ائدیرلر.
آنتی کورلار بیر نوع پروتئین اولاراق آنتی ژنلرین قارشیسیندا دوروب و بدنده ایمن لیگ سیستیمینی اکتسابی حالدا وجوده گتیریر و اونو گوجلندیریر.
CD4+T-Helper
ساری کؤکون باشقا فایدالاری:
ایلتیهابی یاتیرتماق خصوصییتی وار.
قاراجییر ایچین یارارلیدیر. قاراجییری گوجلندیریر و قاراجییردن توکسینلرین آتیلماسینا کومک ائدیر.
تنفس یولوعفونتلرینین تداویسینده تأثیر قویور.
آلمانین ساغلیق وزارتخاناسینین بیتکیسل (گیاهی)داوالار حاضیرلاما بؤلومو، ساری کؤکون صفرا کیسه سی و صفرا یوللارینین اختلالاتینا قارشی چوخ تأثیرلی اولدوغونو و هضمین آسانلاشدیرماسینا اؤنملی اولدوغونو بیلدیرمیشدیر.
تجربی آراشدیرمالاردا ساری کؤکون کولسترولو آزالدیجی تأثیری تعیین اولموشدور.
اورک ناخوشلوخلارینا قارشی اولدوغو، یئنی آراشدیرمالارین نتیجه لریندن بیری دیر.
سیگارین وئردییی ضررلری مهم اولچوده آزالدابیلجه یی، ائدیلن بیر آراشدیرما دا گؤرونور.
آلزایمر ناخوشلوغونا قوُروجو دور. آراشدیریجیلار آراشدیرمالاریندا، هیندیستاندا آلزایمرین چوخ آز اولدوغونا یئتیشیبلر.
بدنین دری راحاتسیزلیکلاریندا یارارلی دیر.
تازا تحقیقلر ساری كؤكون سوموك پوكالماسی و آرتریت روماتوئید كیمی بعضی ناخوشلوقلارین قارشیسیندا دوردوغونو گؤستریر.
بو تحقیقدن اؤترو آریزونا بیتکی طبّ مركزینده، ساری كؤكون مختلف عصاره‌لری حاضئرلاندی. نتیجه‌لرده بو مادّه‌نین، التهاب آزالتماسیندا تأثیرلی اولدوغو بَللی اولدو.
بو محققلرین نظرینه گؤره، گونده‌لیك 1.5 گرم كوركومین، مفصل التهابی‌نین آزالتماسینا لازمدیر.
حئیوانلار اوزرینده ائدیلن تجروبه لرده، ساری کؤکون کیستیک فیبروز تداویسینده چوخ فایدالی اولاجاغی گؤستریلمیشدیر.
****************************
دکتور ارکان توپوز-ون بیوگرافی سی:
دکتور توپوز1946 ایلینده ایستانبول یئشیل کؤی ده آنادان اولدو. پرتوونیال لیسه سینی 1964 ایلینده بیتیردی. همن ایل ایستانبول یونیورسیته سی، طیب فاکولته سینه گیردی. دکتور توپوز-ون حکیملیک مسئولیتینه باشلادیغی1970 ایلیندن بو گونه قدر، گئچن سوره ظرفینده ائتمیش بیر چوخ آراشدیرما و چالیشمالارین نتیجه سینده یایینلانمیش اولان 400 ون اوزرینده خاریجی مقاله و 200 ون اوزرینده میللی یایینی و 45 ین اوزرینده ده کیتاب و کیتاب بؤلومو واردیر. آیریجا، سینه، آغ جییر، هضم سیستیمی و دری سرطانلاری، لنف سرطانلاری، ژینِکولوژیک* تومورلر و آلترناتیو تاماملاییجی طیب ایله باغلی بیرچوخ داخیلی و خاریجی سمینار و کنگره لرده ریاست ائتمیشدیر. هرایل ایستانبول یونیورسیته سی طرفیندن دوزنلنن اونکولوژی(تومور تانیماسی) کنگره سینده رئیس و دانیشان اولاراق مسئولیت آلماقدادیر.
Prof. Dr. Erkan TOPUZ, İstanbul Üniversitesi Onkoloji
gynécologique
و... اونون موهم تووصیه لری:
ساری کؤک آللاهین بیر معجزه سیدیر! گونده 2-3 سوپ قاشیغی آلابیلمه لیسیز. بال ایله قاریشتیریب یا دا یئمک لره قاتیلاراق مصرف ائده بیلرسیز. کپسول حالینده گونده 3-1 تابلت آلینا بیلر. آلما و سوغان دا چوخ اؤنملی دیر موطلاقا یئییلمه سی گرکلیدیر.